世紀21悅來登經理吳力光表示，新年後至現在，二手市場成交價持續高企，業主持續提高叫價市場未能消化升幅，令成交數量持續放慢。其中鴨脷洲海怡半島，至今有500個單位放盤，同上月相約，雖然五月有唔少業主，將手上物業放售維持市場供應充足，但未能改善成交數量。5月至今有五宗成交，比上月同期下跌5成。而家海怡半島，成交呎價達到8000元，但市場未能消化加價幅度，所以成交呎價只係同上月同期持平。市場成交緩慢，但業主經過3,4月份成交上揚後，叫價依然積極，即使臨時加價情況於5月消失，5月份叫價每呎依然達到8300元，比上月同期上升逾1%，而議價幅度即維持上月份既2%。

        而海怡半島最近亦錄得一宗628萬元的二手成交。單位位於32座中層H室，屬於816呎3房2廳1套戶，外望西南開揚小海景，平均呎價8230元，屬於市價成交。吳氏指，買家為區內換樓客，睇樓一星期，和買家議價半天，最終雙方由原叫價638萬議至628萬拍板。原業主以525萬於2010年10月購入單位，持貨僅1年半，賺311萬元轉手，賬面升值約%。