兒時睇龍船，真的不大有興趣，事關人多，又熱，睇十分鐘還可以，睇半天咪搞我！今天的龍舟賽好睇得多，過程緊湊得多，纖維艇令龍舟速度更快，加上睇龍舟之餘，多數有嘉年華，就如5月30日（二）舉行的香港仔龍舟競渡，除了有緊張刺激的龍舟賽外，還有親子「龍舟紙玩工作坊」，香港仔龍舟競渡委員會特意邀請了年輕紙藝達人吉紙，設計出創意的立體紙龍頭飾，戴在頭上為健兒打氣，增添熱鬧節日氣氛！

　　除了紙龍頭飾，場內還有紙龍舟製作，成品可觀性甚高，可作小禮物送贈朋友，或帶回家作小擺設也不錯！有興趣參加者，記得端午節當天上午十時至下午三時半，到香港仔海濱公園海旁，睇龍舟賽兼做小手工！