頭條日報頭條網 - 炎夏澳門玩水

　　放假去澳門玩三日兩夜，真歎……我指一對仔女！

　　正如很多家長都會認同，星期日往往比平日返工忙碌。帶住仔女去旅行，某個角度看，其實是一件苦差！迪奇此行只為玩水，入住澳門銀河內的JW Marriott Hotel Macau，所有名勝景點行程全部刪去，由朝到晚留在酒店玩水區，減低奔波勞累機會，然而「一王一后」精力旺盛，全程玩水都足以令我疲於奔命。

　　酒店設施和服務確實要讚，尤其與幼子同行，Check In可以優先處理，打了十幾人尖，感覺超爽；上到房又有專人送上幼童清潔用品套裝，照顧周到。長時間留在酒店玩水，Lunch索性幫襯池畔餐廳，推介炸雞翼配薯條、青蘋果沙冰，食完就跳落水再游，中午十二時前人不多，很寫意。迪奇貼士是記住穿酒店房提供的浴袍，不要怕肉酸，事關酒店冷氣強，玩完水，毛巾要退回，濕住身上房很容易涼，另最好帶防水袋放手機，不過房匙卡是防水的，泳衣或泳褲最好有袋。