埃及金字塔宏偉而壯麗，如果想欣賞金字塔最美的一面，就要選擇早上和黃昏，日光不太猛烈的時候。
表參道山 Omotesando Hills
外觀其實唔會聯想到朗豪坊，不過一行入去，無論用色同素材再加設計=旺角朗豪坊，即刻無晒mood。
　　呢個世界轉得快就係人都知，尤其潮流新事就更加會比其他有更大窩輪增壓效應，最佳例子都應該數表參道山這個最新的商場，其實對上次去日本前後腳都不過半年左右，當時這個原是原宿僅有的翠綠圍牆被封板改建時，坊間一直揣測究竟會係咩料呢？終於原來係……旺角朗豪坊，不過當中牌子就豪華好多，唔少得梗有香港近期人氣激旺的BV專門店，亦有香港人未必識的度身訂造鑽飾名門Harry Winston，貴氣度絕對十足，不過講真，雖然呢個新商場就連藤原浩在honeyee.com內都有大肆宣揚造勢，但如果用香港人角度睇，呢個表參道山新地標其實真係走眼看花望一望就夠，始終買外國名牌，留番香港或者去歐洲買都得啦，吖！唔係，仲有一個地方必遊嘅，就係……佢隔離個超豪公廁，唔係講笑㗎，你諗吓人生路不熟人有三急個情況點算？一場嚟到，點都幫親吓吖。

　　表參道山上的建築美學

　　表參道山這個區域其實講發展都只不過係呢幾年嘅事，原因應該係大商見各人都會經過呢條既長又斜嘅表參道上南青山方向，所以就逐步有咁大搞到咁大，到今時今日，經已完全成為一條由LVMH+CHANEL group打造成嘅金壁外殼，好講真對九叔而言，這個地域實在太浮誇，但相對地雖然內在無嘢吸引九叔，但嗰種真係要非常有錢先可以做到嘅裝潢，即係好似將成個地方蓄意咁起一個金裝牌坊嘅建築力量同出嚟嘅美學效果反而仲令九叔心服，建築exhibition開催於表參道上，日夜無休歡迎參觀，謝！