 |
|
|
後樂園熱血事件簿
|
 |
|
| 難得今次Flea market在後樂園擺檔，行完、買完又點少得逛逛這個在日劇中早已聞名之地(當年膾炙人口的日劇Long Vacation中木村帶松隆子玩降落傘機一幕就是在這兒），感受一下浪漫情懷，但原來，行完、睇完，先發現原來後樂園是一個百家玩樂地，意即有勁多不同種類玩意集一身之地，當中除機動遊戲部份，仲有娛樂Ｘ運動大樓(當中包括卡拉ok、電玩及打捧球等遊戲），shopping town、食店等，最好笑係仲有間投注站俾你落馬檻，真正一家大細嚟後樂，完滿結束好歡樂。而當中最吸引我們的，當然係有得打捧球的「打擊王」娛樂大樓，事關電視中睇人打就見得多，自己就真係未試過，又點可以錯過這個以為好易打，成日喺睇電視中笑人打唔到嘅遊戲，誰知，事實係……我哋連小朋友玩嘅難度都被考起，認真失禮。 3振•3振•再3振 其實要打捧球好簡單，首先到場中的卡機買張儲值卡，然後走入選定之場地，投入儲值卡就會有1局過你玩，而1局中共有10球機會，打中target就會有速度打出，計算成績，其實即係去歡樂天地般，不過當然就冇獎品換啦。而話說回頭，點解當我們2人為何最終會落得玩小童組呢﹖因當我們壯志雄心想去挑戰其中一部成人機，正想行入去之際，即被隔壁「呯﹗」「呯﹗」之聲吸引，原來成人機球速足有成百公里，平時睇電視以為好慢，但現實係……可能每個日人對捧球極有心得，個個都好似職業選手咁，最後決定都係無謂獻醜，玩下小童版算數，不過最後……都係落得連續被10次3振、再3振紀錄(3振即比賽中投手連投3球擊球者都打不中之意）！如果大家下次去，記得同我哋報仇兼打個e-mail來講講竅門喺邊啦，唔該。 除打捧球之外，當中仲有打籃球、踢波、哥爾夫球同投球過你玩，全部都係有個target過你打，睇你中唔中，得到幾多分，感覺有多少歡樂天地feel，不過就pro好多。 |
|
|
|
|
|
|
