日本之行的最後一日，趁住還有兩個鐘頭時間，走到澀谷作最後入貨衝刺。趕到Parco的路程中經過Loft，無意看到Loft搞了一個水着conner，由泳衣到沙灘用品應有盡有，Loft搞beach look一站式服務完全因為㗎仔㗎妹貪靚，即使去沙灘都一樣堅持愛靚個性。水着corner的其中一面牆掛了40多款沙灘拖鞋，場面壯觀，當中以玩國旗圖案Paradisebeach最多選擇，單是巴西版已經有四五個色，阿根廷粉藍 x 白國旗print不錯，牙米加黑 x 黃也很搶眼，但也不及大和別注版，白色鞋身加一個太陽初升圖案，簡單的顏色組合已經贏晒花巧設計，難得價錢只是2,000Yen（約$140）。
