首先同大家睇睇二手樓既市況，太陽物業經理陳永康表示，業主持續睇好後市加價，市場上買家又未能消化持續加價既市場訊息，再加上交吉盤數量在市場上未能保持，買家睇樓選擇減少，令本月成交進一步放慢。其中荃灣中心，5月至今錄得10宗成交，比上月同期少5宗，雖然成交宗數減少，但成交呎價持續上升，5月至今達到每方呎5000元，比上月同期上升3%。而家荃灣中心約有500個單位放盤，

        同上月同期相約，但交吉盤比例於本月縮窄，至今只有一半放盤交吉，比上月減少一成。而持續升勢令業主叫價積極，5月達到4900-5000，按月上升2%，而且進一步減少議價空間，當中只有一半業主容許1-2%議價幅度，比上月再收窄1%，導致本月買賣相方拉鋸情況持續。

        而最近荃灣中心亦錄得一宗萬元的二手成交。單位位於17座高層F室，屬於404呎2房1廳戶，外望南開揚樓景，平均呎價5074元，屬於市價成交。陳氏指，買家為區外上車客，尋找盤源兩星期，於此單位睇樓即日後與買家205萬成交即睇即買，業主原以210萬放盤，即日商議減價五萬後拍板。原業主以120萬於1995年5月購入單位，持貨17年，賺85萬元轉手，賬面升值約70%。